أبوذيات منقايه - لعيون الغالي أبو فهــــــــــــــــــــد

[ابو احمد]

انة من الجرح ماخاف .. لوسال
يراه شامت واخاف شلون لوسال
سيفك بالجذب لعداي .. لوسال
علي هد واكولن هد الية

----------------------------------

وكان شعجب زعلت .. من ايّان
وشوف شصار بية .. من ايانة
انة شعجب يزعل .. مني انة
وعلية شعجب يزعل من علية

-----------------
زماني بفركتك حزين .. حزنة
وعلى كل الحزن والنوح .. حزنة
تعال على الدليل وشوف ..حزنة
مغيم ما صفة ومخبوط ميّة

-------------------------------

تحن الروح كل ساعة .. ترف لاك
ومشيت وظلت عيوني .. ترف لك
اذا ما جيتني الليلة .. ترة أفلاك
اسوي وجاينة انصب علية

-------------------------------

شنفعني الجويا صحاب .. من خلالي
اخذ ربعي واخوتي .. من خلالي
كثيرة ذيول عبرت .. من خلالي
الزلم واشباههة عبرت علية

---------------------------------
انةالمكسور دومي .. من لحمني
اسد خيوط ربعي .. من لحمني
ابي وما كلت روحي .. من لحم ني
تلحك تستوي وتنطيهة ادية

--------------------------------

العواذل حبلة بية دوم .. طالق
سهم بعيونهم للموت .. طالق
بعد ماخاف كلت للخوف .. طالق
الشجاع يموت والروحة رخية

---------------------------------
العلية غيراهلهة .. من علاهة
وروحي خسة الكللك .. من علاهة
بعزم الله نخلتي .. من علاهة
يراموهة بحجر وتظل سخية

-------------------------------

[محمود المشعان]

تحن الروح كل ساعة .. ترف لاك
ومشيت وظلت عيوني .. ترف لك
اذا ما جيتني الليلة .. ترة أفلاك
اسوي وجاينة انصب علية

-------------------------------
أبو أحمد الغالي وينك كنا ناطرينك السنة تنزل ..والله مشتاقين لشوفتك..كنا نحّضر لمخيم على شواطينا..نطعميكم المسكوف أنت و أبو فهد.. لأن أبو فهد..فضحنا ..تأكلون السمك أنت و أبو عبدالله..
لكن الأمور ما تجي دائماّ على كيفك..
على أمل أن نراكم قريباً.. تحياتي لك وللأهل..والحمد لله على وصولهم..
وكل عام وأنت بألف خير

[عبدالكريم]

تحن الروح كل ساعة .. ترف لاك
ومشيت وظلت عيوني .. ترف لك
اذا ما جيتني الليلة .. ترة أفلاك
اسوي وجاينة انصب علية
صح لسانك ابو احمد

[ابو فهد]

كلبي من الحزن ورث وعطاب
وعيني اعله الطالع وعطاب
حنيت لزادك وملحك وعطاب
لان بس ملحك الغزر بيه

ترف بهواك من مثلي وله دوم
بثناياها الخلل بين ولهدوم
امل الفرس لوكبرت ولهدوم
شبصرك برذعه النامت عليه

حمامة الفرت من ايدي ولاجت
وعليهاالروح تتعذب ولاجت
من امس لليوم لاحطت ولاجت
ولاالهاجدم برض الوطيـــــــــــــه


حبيبي شبوصلك وانت ثريه
نشف دمعك انه دموعي ثريه
رغم عسري تظل نفسي ثريه
بظلام الليل اوجن لك ثريه

الدهر يا صاح بالفرقه ولانه
ولانوبه انكسركلبه ولانه
لاانت عرفت الحب ولانه
نسينا الشوك واخلفناوعدنا

يفربيه الوكت نوبه وفربيه
من ثلج العمر دربي وفربيه
اشرد وين انابكلبي ومربيه
بدرب مسدود ومتيه محله

وحك عيسى وحك مريم والاحد
بعدهم ما تهل عيني عله احـــــــــد
حفر كبري من اخذ روحي ولحــد
وقروا الانجيل من صلوا عليـــــــه

منو مثلي تعب لجلك وداراك
جهنم لجلك اتحمــــــل وداراك
عسا من غيرك يسمر وداراك
ابسكم لا للحيا ولاللــــمـنـيـــه

زماني شما لعب بيه ولهتم
والراده علي يسري ولهتم
بروحي شما تغيروا ولهتم
لان حبكم دوه لكل مرض بيه

هلا ومية وردة وهلا وين ببيوت الشعراللي لفتناوهلاوين من اعز الاحباب شكراأخوي ابو أحمد تسلم
منقوله

[ابو احمد]

هلا وغلا بأبو عمر الغالي ( محمود المشعان )

يا مرحبا وسهلا وندعوا الله دوماً أن يجمعنا بكم

فأنتم أخوة أعزاء ونفتقدكم دوماً

مشكور أبو عمر

[ابو احمد]

عبد الكريم الغالي

صح بدنك وكل الهلا بيك

[ابو احمد]

أبو فهد الغالي تستاهل أكثر من هذا


وثيقة بكل فخركلبي .. وثقلاك
جبل ما شفت باخلاقك .. وثقلاك
الك يرخص دمع عيني .. وثق لك
الكلب لمن يدك يوكع بدية


-----------------

الك مملوء دلالي .. والة هجاء
ونسيت الحجي من شفتك .. ولهجاء
حروف الابجد وهوز .. ولهجاء
يدكن لو كتبت اسمك تحية

[ابو فهد]

رش الدرب تيزاب حافي اعتني لك
جــاشـلي بالرجـلـين المـاتجــي لـك

لو ترش مو تيزاب لو تزرع الغام
اللحم خلته يروح اوصلك اعظام

هلا ريم الحماده اللي لفاني
عليل بحبه كلبي ولفي اني
لو انه بالهباري لفني اني
يشافيني ولايظل باس بيه

شكرا ياغالي ياابن العم العزيز ابو احمد