سندريلا والأمير باللهجة الحلبية

[سراج محمد عماش البطي]

سندريلا والأمير باللهجة الحلبية

مرة الأب :إش عب تعملي كني مابتفهمي طاول ؟

سندريلا:أنا بقرى.

مرة الأب :دي عيفي هالكتاب وقومي بسرعة اعمليلنا مامونية نفطر.
قامت سندرلا عملت وبى يقشهن لشمقرين وبناتها.
مرة الأب:لاتنسي تعملي كبب ومحاشي وكرابيج عالغداواعملي صريصير لانه يسرية عب تعمل تنحيف قبل حفل الأمير.
كان الأمير بيرك فقصره عب يحكي مع أمه:اشبك يوم موعبعضك؟الأم:
ابروك باابني بدي أقلك شغلةبدك تجوز من أي بلد بس بلا السفيرة لانها كلها مشيكل وقواس وضرب بحضي مابمرق يوم بلا طاخ وطيخ.
كرمو:يوم كلشي نصيب يعني معقول أبطل أتجوز من حمص لأنه بيقولوا عنهم مجيديب ؟؟يمكن يكون عندهم بنات حطيهم عالجرح بيبرا .
دخل عمه :اشبك ياعين عمك صوتك وصل لآخر ماعمر الله؟اسماع مني لك خاي وخود وحدة حلوةوفهمانة وتكون نيعمة مومتل مرتي الله لايوجهلها الخير باجوقها كبير ولألوقة.
الأم :وتكون بنت حسب ونسب متلنا.
كرمو:يوم وقت تعجبني وحدة إلنا من هالحزمة عود والباقي تاكله القرود.
كانت مرة الأب عب تمكيج بنيتها وتوصيهن إش لازم يعملوا:انت ولك يسرية:لاتتسهسكي .وانت ولك حسيبة:لايكون معلاقك كبير.كانت سندريلا عب تكنس وتمسح بحلقت فيهن وقالت:دي قوموا بقى لاتجقجقوا الأرض.
مرة ابوها:لاتنسي تعملي كبة سماقية ومحشي بان جان.هنن راحوا بركت سندريلا عب تبكي وظهرت عليها عجوز الشيبةاشتغلت عنها كلشي وشحدتها جبونة وإنضرةوقالت لها:بس تدق السيعة طنعش بترجعي فورا.عدت سندريلا باب الصقاق وفي وشها عالقصر,كانت الناس عب ترقص على :ربة الوجه الصبوح حي حي حي يالالالا أسوة بالعاشقيين يين ,المهم الصوات عب تصدح صدح والخلق أشكيل ألوين,هي متل طوق البرميل وهديكي متل السلعوة والتالتي شعرها متل حسك الشعير اش بدكن بالحكي مافي شي ببل القلب لك خاي يعني لاحس طرب ولاهديكي نيعمة.أول مادخلت سندريلا متقمشة ومزوزقة العالم جمدت فأرضهاركض الأمير فوشه لعندها وبلشوا الهز والفقش ,قال لها:ابوس روحك إش هالجمال!!وهنن عب بسولفوا,دقت السيعة طنعش..ركدت سندريلا وتفركشت على عصها ووقع بابوجها وبوشها عالبيت .الأمير كرمو:حمل البابوج وصار يبرم من بيت شقاع لبيت رقاع لبيت وجاع الصعبة,بس ياحسرتي المشحرة ماوصلت الا رجليها مورمة .
وصل الأمير عباب صقاقهن ,دق المدقاقة,طلعوا عب بفتحوا ,طلع فوشهن وقال للام :إش ضئللك يوب بلاقي عندك غير هالجيجتين الجلقات هدول؟سندريلا سمعت كلشي كانت بالعلية عب تغسل بالجنق وقلبت قد الفرتيكة.طلع في وشها وقال هاي انت لك كربوجة؟؟دخيل شنقات وشك ,بلا بابوج بلا إنضرة بلا سكربينة ,تؤبشيني تعي لعندي وحياة نانتي مابقى اقدر عيش بلاكي بالمرة .
تعي لعندي ياعالجن برن...يامقلوزة انت..سندريلا:جيت تشكل آسي خجلتني كني مانك شيفني بروب الحوسة وبلا زوزقة وغوا وبودرة.
كرمو:الكويسة كويسة من فيقت مناما والبشعة بشعة من طلعت حماما .
وراحوا بالكوشة ودخلوا القصر بعراضة وزفة على اغنيية :ياسيدي طعماني القراصية ,طعميتوا طعماني القراصية طعميتوا طعماني لك طعميتوا .منتهى منتهى جبلنا وجبلكن