الوقت فرقنا ،،،

[مجاهد الحبلاني]

الوقت فرقنا
********************

قال الغلا..كل الغلا لك ويزهاك *** يزهاك يالغالي .. كل التغلي

قال المحبه لك وأعيش لرضاك *** أموت وأحيا بس لعيون خلي

قلت الوفا منا .. لا حل طرياك *** لا حل طرياكم .. خفوقي يهلي

قلبي معك يا فاتني وسط يمناك *** أرفق على قلبي .. تراني مولي

في حبكم لا اسمع ولاني بشكاك *** يا غايتي..يا نجمي اللي مظلي

أنت الغلى وأنت المنى وقت الادراك *** منك العذاب وفيك كل التسلي

أهواك واللي صور الكون أهواك *** وأهوى بعد رمش العيون المظلي

وأهوى بعد همسك وحمرة شفاياك *** وأهوى كلامك وسمعي مسفهلي

لا تحسبني يوم صديت.. بأنساك *** لا والذي لأجله.. نصوم ونصلي

لا شك حالة بيننا بعض الأسلاك *** سلك الزمن وأسلاك حكي المظلي

كم خفت من هرجة العذال تنصاك *** أهل الكلام.. اللي عساها تولي

أسقيتني كاس الهوى حبيبي بيمناك *** يا اسري ياللي هواك التغلي

وأسقيتني سم(ن) على كف يسراك ** كاس(ن) بطعم الموت لعيون خلي

ولأنت يا فتان .. وحدك بدنياك *** يا مالك(ن) قلبي مع فكري وكلي

الوقت فرقنا .. ولا عاد شفناك *** شف حالي من الوقت جرحه مصلي

دنياي قفت .. مع حلم دنياك *** ومن الردى زماني بالحزن واقفلي

قال أنت روحي ويكفي طرياك *** يكفيني أن ..أحلى معانيك التجلي

أحلف بربي خالق الكون مانساك *** مانساك أنا مانساك يا بعد منلي

[ابو احمد]

عيد ودمع وجروح يلتمن شلون؟؟ *** كلما اگول انساک تفضحنی لعيون


الغالي مجاهد أبدعت وكيف لا وأنت صاحب القلب الكبير

[مجاهد الحبلاني]

قال لو حبيت غيرك .. وش تقول *** قلت أحاول قد ما أقدر أمنعك

قال وان عيت تطاوعك ..الحلول *** قلت أحبه يا بعد عمري معك

أخوي الغالي .. رامي الدخيل ..

ان كنت أنا أبدعت .. فأنت مصدر الابداع ..

ويكفي كلماتي فخرا .. أنها داعبت أحاسيس كاتب مبدع

مثلك يا ذيب ،،،

[المهاجر]

شكرا لك يا ابن العم مجاهد وصح لسانك يا النشمي ولا فض فوك

[عبدالرحمن الجاسم]

شكرا لك يالمجاهد وصح لسانك وان شاء الله نشوف منك المزيد من الابداع والتميز
للأمام خطاك موفق بإذن الخالق
كلك ذوق تهانينا
تحياتي لك

[مجاهد الحبلاني]

يا ذيب أنا بأوصيك .. لا تاكل الذيب
كم ليلة(ن) عشاك عقب المجاعه

ابن العم الغالي .. المهاجر ..

صح بدنك .. ومشكور على مرورك .. وعلى كلماتك الجميله ..

ولاهنت يا ذيب ..

[مجاهد الحبلاني]

أخوي مرمودي خابوري ..

الشكر لكم أنتم يا الغالي ..

وأقدر لك مرورك .. وكلماتك الرائعه ..

[فتى البوخابور]

أهواك واللي صور الكون أهواك *** وأهوى بعد رمش العيون المظلي

لا فض فوك أبن العم مجاهد كلمات رائعة جدا

صح لسانك

[مجاهد الحبلاني]

أخوي الغالي .. فتى البوخابور ..

الأروع هو مرورك ..

والجمال في تعبيرك .. ومشاعرك الراقيه ..

تقبل حبي وتقديري ،،،

[عبدالكريم]

والله يا مجاهد اسم على مسمى
مجاهد بأسمك
مجاهد بكتاباتك
مششششششششششششكور
الف
ششششششششششكر