زهيريات مني الكم

[الحر]

حبيت انقللكم بعض النبذات الجميلة وهدية لكل عضو بمنتدى البوخابور العزيز ..ارجو ان تنال اعجابكم اخواني
----------------------
يا ليل امانه مع النسمات ودلهم
مني سلامن وكل الخير ود الهم
احنا بوادي صفينه وصفو وادي الهم
ويا قلب انسى نسوك وما يونولك
لا صرت ميهم ولا هم ماي ونه لك
اضعو ضعنهم يخايب ما يونولك
صارو الغيرك ولا عد اتحضه بود الهم
------------------
گلبي الگبل مايون بجفاك وننته
وضنيتك انته الفرح ثاريك ونه انته
مامش طيوفك واباري ابشوگ ون انته
ماخوذ مني وخيالك ابد مالحظه
ورسمك يزين النبا مبعد علي لحظه
مشتاگ اشوفك ولو مشوار لو لحظه
وين انته روحي دنت عالموت وين انته
-------------------
مارحتي هاذ الگلب بوصال مرنتي
ومرنتي گلبي على الهجران مرنتي
ردنه تمرين مره بشوگ مره انتي
ماردنه منج ذهب بس شوف وجهج بس
وشحيتي بمواصلج ليما هرشنه يبس
حلو وشبيه الگمر وخدود تسحر بس
مره انتي رغم الحلات البيج مره انتي
-------------
ماغاب طيفك عن عيوني ولا تنور
ولمن نجي على الصدك تميل وتناور
وكلما اكلك ذبت اتكلي اتنة ور
قلبي بهواك والك بيتن بنصة عمر
وصدك شما ابلعو يا منيتي بلعو مر منة
منة تقل حلاة البشر كلما كبر بالعمر
بس انت طبع الكمر من تكبر تنور
-----------------
كصت شعرهة الخلك بس مو مثل كصتك
وماشفت بين البشر طولك ولا كصتك
جن انته والة انس كلي شني كصتك
عجبني طيفك معاي ايبات عجبني
وكلما اروح ابدرب الكاه عاجبني
تدري انته شنو الفتني وبيك عاجبني
عاجبني كلك حلو من جدمك الكصتك
-----------------------
دور ابدينك يغالي الروح بيدينك
أنك تجافي الذي مديون له دينك
وبالعجل جتي النهايه اوتونه بادينك
ووريت قلبي ولا على الماي تحضرني
واطيوفك ابشوك كل مشوار تحضرني
جانت امنيتي كبل ما موت تحضرني
اتغمضلي عيني يساهي العين بيدينك
-----------------
مت ابغرامك صرت يانور عيني كحال
الغريج الذي جلب ابجشه كحل
نته مصيبت حسن من الشعر للكحل
وحسنك يغالي مثل سيفن ضربني فشك
صدري ونزل عالقلب هم وصلتين انفشك
نته بليه كحل عينك اتنثر فشك
تريد اتهمدنه درت فوك النواظر كحل
------------------
الله يجازي اهلك بحراب خلوني
وخلوني اتحسر على ملكاك خلوني
اسوو دليلي ابجفه وبالعكل خلوني
واسكنت طول العمر جوه الحشى اه إلك
منهه دليلي ذبل ما اطيب راح اهلك
ماني كل يوم اذل النفس وآجي واكل لهلك
خلوني اشوفو كبل ما اموت خلوني
----------------------
خشفن نحرني ابسهم عينو ولا طيب
دليلي المشتكي الهايم الطيب
لمن لحتني ابسهم من نظرتك طيب؟
مافكرت انتهي ورمشك ابچتلي سهم؟
حگك اذا هو الگمر من نورك آخذ سهم
بالله اني مو مشكله صدفه ولحتني ابسهم
لكن اريد اسألك عن جاركم طيب؟
-----------------
احلى شباب وللـــه واتمنى تعجبكم ...
تقبلو تحياتي

[ابو احمد]

صح لسانك على الزهيريات الجميلة

رائع بأخلاقك وبكل شيء

أشكرك ابن العم

[عبدالرحمن الجاسم]

مشكور أخي الحر وصح لسانك جميلة جداً
ألتمست الزوق والادب الرفيع واللطف بمشاركتك ...

[الحر]

مرورك على صفحتي يزيدني بهجة ....وخطوط قلمك يزدني شرفاُ

اخ رامي لك مني كل الاحترام والتقدير على روحك العطرة

وتقبل تحياتي ...الحـــر.....

[الحر]

عبد الرحمن .... شاب في قمة الاخلاق وقمة الذوق الرفيع ...مشكور بمرورك الطيب ...

وبارك الله بك

[ابو احمد]

راح وكسر خاطري ولملم طيوفه وشال
ونهر المحبه نشف ظلت جروفه وشال
الزمن ما عافني رد عالكفوف وشل
ما عفت حبك انا گلبي على گلبك ظل
عالهجر شو تعتني عالوصل دومك ظل
بچتافي اغطي الشمس بالصيف اصيرن ظل
لو مر عليك الشتا لفني على صدرك شال

[الحر]

ضحكه حبيبي دوة الجرح القلب ان شفته
وعينه وسيعه ومثل لون الجمر شفته
ولفي احله من الكمر طعم العسل شفته
الكمر ماله عطر هيل ومخلوط ابان
ولا طوله طول الرشا ولا غصنه غصن البان
الكمر لوما الشمس ما لاح نور وبان
واني الشمس تستحي من ولفي ان شافته

[أحمد العساف]

دائما" رائع أيها العزيز

[الحر]

مشكور يا باشا على مرورك الطيب

[بشار الدرويش]

مشكور يا الحر على هذه الهدايا الرائعة

وانا أهديك هذا الزنجيل للشاعر

أسعد الزركاني

حبيبي الروح ملكك مالك انته
واكصه الكلب كون مالك انته
اسالك عن محبتي مالك انته؟
عفتهه وشمتيت الناس بيه

عفتهه وباللسان اصبحت لكناه
وصدودك علكم ومن غصب لكناه
ضميرك ماوكفلك يوم لكناه
ويكلك بالجره منك عليه

ويكلك بالجره والصار مليت
ويكلك يامه مني اسهام مليت
هجرك بس ابد ماكول مليت
ولافرح الشماته يوم بيه

ولافرح الشماته وخله خلي
بيه وكلت يرجع خله خلي
واظل للموت اصيحن خلي خلي
واكولن ماكطع وصله عليه

واكولن ماكطع وصله ولاراح
رغم لاجسد ظل بيه ولاراح
رحاهه الناس ماتفتر والي راح
تفتر فرة الناعور بيه

تفتر فرة الناعور وانته
ولاجنك سمعت بيوم وانته
كلبي ومايهمك ذاب وانتاه
ولاهمك سواك عله الوطية