قصيده غزليه فكاهيه

[بدوي]

يازين حبك عافس ٍ حالتي عفس
................. صبحي مساء ..والليل أصبح قوايل
لا جيت ابرقد قام فكري يهوجس
................... واتخيل اسمك صار بدفتر عــوايل
ازريت اقاوم حبك اللي تفقس
.................... وقـــام يتكاثر من جـميع الوسايل
تلخبط التاريخ عندي وتلحوس
................... مدري انا صاحي أو من العقل زايل
حبك لحس مخي ومن اللحس فلس
................. و ماباقي إلا العظم وبعض السوايل
هبلت بي ياجعل وجهك يخـَفـَس
.................... صرت البس الغتره على عقال مايل
وافطر مرق واخلط مع الشاهي الببس
...................... ومعـــاد اميز بين نيدو وســـايل
يابو مبيسم فيه من شنطة الجمس
...................... بعدك ترى عني يسوي الهوايل
ولك شفة ٍ تشبه كفر كابرس اس
..................... من كبرها قــالوا عليها المثايل
وعليك خشم بوسطه الثور يندس
...................... وشعراً عراده ماقوته الجـــدايل
والا العيون اللي لها ماركة بـِـس
...................... فيها الهدب ذابل يسوي العمايل
لامن ذكرت الجسم والوجه الاملس
...................... تطري على عتاب بنت القبايل
ولون ٍ فريد ٍ اسودٍ غامق ادمس
...................... من طيب لونه صار رمز الأصايل
هذا الذي حبه دبس خافقي دبس
...................... غيره أبد ما اقبل جميع البدايل
طالبك ياحظي تقوم مرة ٍ بس
....................... كمل لي المشوار وخلنا حلايل..

[مناوي]

ازريت اقاوم حبك اللي تفقس
.................... وقـــام يتكاثر من جـميع الوسايل





ابكي على ماجرا لحظي الردي

يوم اهلي زوجوني لقروي
شعرة فلافل عكارش ملتوي
ياليت منه بطلاقي اقنعه

صح لسانك اخوي بدوي.

[صالح12]

ولك شفة ٍ تشبه كفر كابرس اس
..................... من كبرها قــالوا عليها المثايل
وعليك خشم بوسطه الثور يندس
...................... وشعراً عراده ماقوته الجـــدايل

حلوة يابدوي

[محمود المشعان]

طالبك ياحظي تقوم مرة ٍ بس
....................... كمل لي المشوار وخلنا حلايل..
بعد كل هذا الوصف و يطلب يكمل المشوار و تصير حلاله..
يبدو أنه غرقان لشوشته بهذه الغزالة (الله يحفظها له)..
تسلم أخي بدوي..

[زهرة قاسيون]

حبك لحس مخي ومن اللحس فلس
................. و ماباقي إلا العظم وبعض السوايل
هبلت بي ياجعل وجهك يخـَفـَس
.................... صرت البس الغتره على عقال مايل

هههههههههه
عشت يالبدوي

[الامير المهاجر]

صح لسانك اخي بدوي

[ابو فهد]

حبك لحس مخي ومن اللحس فلس
................. و ماباقي إلا العظم وبعض السوايل
هبلت بي ياجعل وجهك يخـَفـَس
.................... صرت البس الغتره على عقال مايل
ههههههههههه
حبك لحس مخي لحس حلوه يابدوي الحناكيه حلوه وطعوس النفود خرج تطعيس با لضافة لمزارعها الجميله شكرا لك اخي بدوي

[بدوي]

اقتباس:
المشاركة الأصلية كتبت بواسطة ابو فهد
حبك لحس مخي ومن اللحس فلس
................. و ماباقي إلا العظم وبعض السوايل
هبلت بي ياجعل وجهك يخـَفـَس
.................... صرت البس الغتره على عقال مايل
ههههههههههه

حبك لحس مخي لحس حلوه يابدوي الحناكيه حلوه وطعوس النفود خرج تطعيس با لضافة لمزارعها الجميله شكرا لك اخي بدوي

مشكور اخوي ابو فهد

والله ان الهوى نجدي بس وش اقول

حلفت انا يانجد مارخصك عندي =مير الدهر والوقت فينا جار

لاجارت علينا الديرة وامحلت =نلقا لنا ابدار العدو معبار