حوار الطرشان...

[mfd]

إياها...


حوار الطرشان ...


هو حوار احد طرفيه اطرش ...او كلاهما....
يعني واحد بحكي بالغرب ...والتاني بيحكي شمال جنوب ...او شرق شمال ...
ومن مقومات هذا الحوار ...هو الطرش .....
يعني انت تحكي وتحكي وتحكي ....بس مافي نتيجة عند الاخر ..لانو الاخر اطرش ..
وبنفس اللحظة ...تصور... انو ممكن تكون اطرش انت كمان ...
يعني بكلمات اخرى يا عزيزي ...
الطرش شي معنوي ...فلا تحط ايدك على اذنك وتتأكد انك مش اطرش ...
اذنك سليمة يخزي العين عنها ...بس مش دايما بتشتغل ...لانو الواحد منا احيانا بسمع من مناطق اخرى غير الاذن ...والاخر نفس الشي...حاسة السمع عندو شي جنان... هو الجنان بذات نفسو ...

بس تصور نفسك داخل على حوار طرشان ...وبدك تمارس الطرش...ما راح يطلع معك ...لماذا ؟؟
لانو سمعك ساعتها بكون عشرة على عشرة ...
بس اذا وجدت نفسك بلحظة من لحظات حياتك الكثيرة ..داخل حوار طرشان وانت مش حاسس بحالك انو انت بحوار طرشان ...كمان لا تستغرب ...
لانو الطرش شغلة متأصلة فيك ...بتقدر تمارسها بالنكاية عن محاورك ...وبالنكاية من نفسك ايضا ...
يعني الموضوع له علاقة باللاوعي تبع حضرتك حبيبي ....
فلا تندهش بعد خروجك من هكذا حوار ...وعندك شعور بالاسهال الفكري ...بس يفضل انو يكون عندك امساك قبل الدخول بهيك حوارات ...
لانو يا عزيزي ...الامساك الفكري الو علاقة بالهبل ...والهبل الو علاقة ...بالطرش ...والطرش بجيب اسهال فكري ...المعادلة كتييييير صحيحة ....
والمعادلات حبيبي ممكن تكبر وتكبر ...وتنمو مع الايام ...طالما حوار الطرشان شغال ...


وفي الايام القادمة ...نتمنى ان نقدم لكم حوار من نوع اخر ...وحاسة جديدة غير مستخدمة من قبلنا ....نحن الغير طرشان ...على اساس انو كتير عم نسمع في هذه الايام ...


ملاحظة : طرش = عدم القدرة على سماع الاخر ...وقد اقتضى التنويه لان بعض الشعوب تقول طرش لقطيع الغنم ...

التوقيع :أطرش كان عم يستمع لحوار الطرشان...