فارس الضيدان العنزي في اليوم الذي اعتقل فيه شيخ مشايخ عنزه بالعراق

[alakiedi]

يا عين هلي الدمع يا عين بسكات هلي علي وقت به العز مدفون
هلي ودوحي وخضعي للمصيبات هذا زمــان راعي الفكر مجنون
ياماسهرت الليل ونه حسرات خوف من الشمات ياعين يدرون
يا لابــتي ياهل الفعول والحميدات يالي بلتعات المنايا تفزون
أنتم هل الصولات يوم الصعيبات يوم المعزة في ذري الموت تردون
اعيال وايل مشبعين المجيعات وأم الفروخ اللي عليها يحنون
يا لابــتي والله مامن سلامات رمز القبيلة داخل الحبس مسجون
شيخ الشيوخ معرف الجد مامات ياحيف والله كان عنه تصدون
وين ال الصباح أخوان مريم وبالذات أهل الحملة وينهم ونطلب العون
وين ال سعود أخوان نوره ورايات بيرق هل العوجا له الناس يرجون
وين ال خليفة وين راع الجمالات بيت عنزه لا طاح ما عاد به لون
وين الحمية يا رجال الحميات ضاقت ببن هذال وانتم تشوفون
يا لا بــتي والله ماهي سهالات تكفون يالويلان تكفون تفكون
قلتة وانا مابي وري القول خذ أهات عشق المراجل عندنا عشق مفتون
دهامشه تاريخنا صار بصمات ربعي مححدت الجمل كان تبغون
واختامها ما هي قصيد وشعارات يرجع ابن هذال وأبليس ملعون
يرجع ابن هذال وبليس ملعون يرجع ابن هذال وبليس ملعون

[منى]

مشكور على هذه القصيده المؤثره
وين الحمية يا رجال الحميات
واختامها ما هي قصيد وشعارات
كلمات معبره ورائعه
نرجو ان تتحفنا بمثل هذه القصائد الجميله