دارميات رووووووووووووعة((مصافحة ))

[فتى البوخابور]

كلما اكول انساك يرتعش جسمي ***** ويرجف جميع عضاي يابعد رسمي

هم الليالي تعود واتعاتب وياك
احجايه للشمات خلاني فركاك


شنهي الدوه الموصوف لل ماينامون***دلوني ياعشاك لاتعمه العيون

باسمك اسمي الناس صارتلي سوله***وحتى اسمي اغلط بي واسمك اكوله اهدي


عاتبت كل الناس ما عاتبيتك *** انته الحرس للناس وتبوگ بيتك

لا من انس يفلان لا انته من جان *** ميحل قضيتي وياك بس كوفي عنان


اشينفع المكتوب لو ردت اوديه .... كون التريده الروح اكعد واحاجيه


بهاي اشوفك طيف وبهاي اباريك لو تعمه هاي وهاي بالروح اخليك


مسعد ينام الليل خالي من الهموم حزن اليموت اسبوع حزن العدل دووووم


ذمه بركبتك هاي لو ميت اني ***علكبر تكتب مات جي مانساني


صابر اظل اسنين وانطر ترجعين*** نشفيلي دمع العين يااجمل سنين


جمر وثلج فد كاس ينجمعن شلون***الجمر لون شفاك والثلج السنون


صار العشك وياك ياعمي موده *** انه ابيض من البيض وتكلي سوده


لا تهمل اليهواك حاسب ضميرك
صدكني يالمحبوب ماعندي غيرك


عجبه العشك وياك واصل لهلحد *** من بعد بوس الايد تضربني عالخد

عجبه العشك وياك واصل لهلحد *** بالحزن شيب الراس ينكلب اسود



حبك يبعد الروح خلاني ساهي كمت اكل الصمون حسبالي كاهي


عجبه العشك وياك واصل لهلحد *** من بعد بوس الايد تضربني عالخد


حيل ألكم اشتاقيت يل ما تنشدون*** ذنب الكلب يشتاق مو ذنب العيون

[ابو احمد]

أبدعت أيها الحبيب 000
ذكرتنا بأحلى دارميات 0000
يقول نزار قباني رحمه الله 000
ولشدة إعجابه بهذا النوع من الشعر
والذي يستطيع شاعره وببيت واحد 0000
أن يعطي معنى قصيدة كاملة 000
يقول : أن كل ما كتبه نزار لا يعادل بيت شعر ألقته إمرأة عجوز في جنوب العراق 00
لما لهذا البيت من معنى كبير 000

مشكور على موضوعك وخذ هل بيت هدية من أخوك :

گالولي اجاك العيد چا ليمت تهيد؟؟ *** عيد اليمر بجفاك ماينحسب عيد

ميرجع الميتين و ميرجع الراح *** بس من تهمل العينين الگلب يرتاح

صدكني ماهميت للوكت من دار ... هم شفت نخله تطيح من كطفة حجار

[بشار الدرويش]

دارميات غاية في الروعة مشكوور أبن العم على هذه المصافحة الرائعة وشكرا يا أبو أحمد على الأبداع والروعة في الردود الجميلة التي هي مواضيع بحد ذاتها