السلام عليكم
أهنأكم أولا بقدوم شهر رمضان المبارك وإنشاء الله يكون خير وبركة على أمتنا العربية والاسلامية جميعا
بالنسبة لهذا الموضوع نشكرك أخ أبو عبدالله لموضوعك المهم وأنا كأحد الشباب يلي راح أعطيك فكرتي ورأيي و إعتبروا رأي أغلب الشباب من عمري
العنوسة برأيي ممكن بسبب العلاقات يلي قبل الزواج تكون سبب قوي لفشل العلاقات و الحرية الزائدة يلي نشوفها هاي الأيام وخصوصاً بالنسبة للبنات يعني شي يخليك تفكر أحيانا ألف مرة قبل ماتفكر بالزواج و الغريب إنو البنات يعني يعرفو هذا الشي وما يمتنعوا عنو لأ بالعكس يعني صارت أحيانا بعض البنات الله يستر عالجميع يفتخرو إنو كل وحدة عندها أصدقاء شباب وخصوصاً بالجامعات و أحيانا بالقرى نفسها وللأسف وصلت بعض هاي العادات المخزية لموحسن للأسف
وبعض الشباب يرضى على نفسو إنو يجوز من هاي النوعية وهاي فئة قليلة والفئة الأكبر ما يرضو بهاي العادات الغربية التافهة وإحنا كأبناء قرى لا نرضى بهاي التصرفات لذلك نسبة العنوسة وأيضا السبب الثاني الطلبات التعجيزية لبعض الأهالي (بيت ملك - وأحيانا سيارة - و أحيانا مقدم عالي أو مؤخر مرتفع )وما أعرف شو كمان هاي كلها تخلي المتقدم للزواج يرفض بسبب الفقر أو يحس إنو أهل العروس يستغلوه
والسبب الثالث الدراسة يعني الدراسة بالنسبة لطلاب هاي الفترة يفكروا بالمستقبل أولا لتأمين مستقبله بسب الظروف المعيشية والحياتية حتى يكون كفؤ للزواج وهذا يطلب زمن بالنسبة للشباب بشكل عام بنت أو شب
وشكرا لموضوعك الراقي و أتنا إنو تكون صورتي للوضع صحيحة
وشكرا