[frame="8 80"]
[frame="8 80"]
فراتيّة ....................
وأحبن ريحة الصفصاف
ويهيمني .................
حنين الغرَب للميّه .......
وحنين الميّه للغرّاف .......
فراتيّه ......................
واحب الضحكه خجلانه ..
على الوجنات تتكسَر .......
وأريدك ياوطن جنّه ........
ومحبتك بالقلب تكبر ......
فراتيّه ....................
ولون أقدر ................
أصيرن بالسما غيمة ......
ألفن روحي بالحنة ........
وأزينها بورد أحمر ........
لون أقدر .................
أصيرن بالجبل تربه ......
يناغيني جذر أسمر ......
لون أقدر ................
أصيرن ماي نبّاعه.........
أضم الكاع أرويها .........
أخلي عيونها تخضر.........
لون أقدر .................
أصيرن نجمه فضيه ......
أحزّم روحي ازرعها بألف خنجر
وأصب الضيم اللي بقلبي.........
على العادي يانيران ولظى تسعر..
لون أقدر ..........................
فراتيّة ........................
ولون أقدر ...................
أضمك ياوطن ضمّه ........
أغبيك بجفن عيني ...........
أسبّل فوقك رموشي .........
ورد إنت .....................
وأخاف عليك تتغبر ..........
أخاف لونك الزاهي .........
يمر بضيم يتكدر .............
ياجرحك حيل يلسعني ........
ويحز بقلبي يتجذر ............
لون أقدر .....................
أضمنّك حدر ضلعي ........
أهيمن آنا بعيونك لو يقولون مجنونه !!
لون يدرون ...........................
بالعشق اللْ يسوسحني .................
ويخلي فكري يتبعثر .....................
لون يدرون ..............................
شقد سطرتك بعيني ....................
خريطة حب .........................
مزروعة بقلب وردة ..................
شقد سطرتك بكتبي على الدفتر .......
يجي استاذي ويعاقبني ..................
غلط رسمي ؟؟
موبيدي ماأقدر أحط حدود .......
ولا اريد الوطن يزغر ...........
فراتية ...........................
أريدك ياوطن جنة .................
يظل صوتي يغني لك .............
تنادي لي انادي لك ...............
عشق إنت ........................
بعيوني مواويلك .................
يرد الصوت من ضلعي .........
أبوحن لك وجع بيّه .............
واشكي لك .......................
وتسمعني وابجي لك ...........
فراتية ..........................
ولون أقدر أضم فراتك ونيلك ....
وتظل إنت الهوى بينا ..........
وتظل جذورك الحرّه ............
تمد على الكون تتفرع ...........
تظل تكبر ...........................
تظل تكبر ........................
تظل تكبر .........................
[/frame]
[/frame]