منتديات قبيلة البو خابور - شعر شعبي ديري من زوجة حردانة

اصيرن شمعة واضويلك
بعد شتريد اسويلك

ابوك بشوش* واشويلك
نسيت شجنت اطبخلك وشجنت آنا احشيلك
آنا الي جنت البخلك ومن كل الالوان اخليلك
وبالصالون اذب الاوووف حتى بتسريحة حلوة اجيلك
اثاري الطبخ واللبخ ميفيد شسويلك بعد يمعود دخيلك
ابن الاوادم نسيت شجنت اسويلك
من جنت تعطش وينكطع بوري الماي اكل لعيوني تبجيلك
واشربك من دموع العين ماي عذب يصفيلك
ولك نسيت شجنت اسويلك
من جنت تتقلب وماتنام الليل اني اسهر والوليلك
والظهرية من تطفي الكهرباء اني اعرك واهفيلك

واذا بليلة مسج دزيت الم فلوس الكارت واعبيلك
ومن جنت تزعل علي جيش مشاية اوديلك
نسيت شجنت اسويلك

من اجيتني بطرك دكان تبيع بي مصاصك ومساقيلك
كلت رجلي وراعي بيتي واجب علي لو ينكسر ظهري اشيلك
وحتى افتحلك محل بي خير ابيع بذهبي وابنيلك
وما كفت فلوس الذهب رحت تداينت وما جيت بيوم اشكيلك
!!!!!وتسالني شجنت اسويلك
ومن صارت عندك فليسات صرت اني وجهالي كلشي منعنيلك
ومن اطلع اشتري خضراا تغافلني وتروح تلعب بذيلك
رصيدك خلص من المسجات يوم سمسم يوم نمنم تقشمرهن بمراسيلك
وبكل ليلة تجي سكران وريحة نسائية تعط من مناديلك
واليوم....اجيت الي ندمان تطلب سماحي وتتوسل اجيلك
تقشمرني بكلمة احبج من حبتك حية بعد ما يعبر علي فيلك
شحسبالك احنااا بالمكسيك لو انتا بمدبلج وتتفنن بتمثيلك
ما ارجع الك لو حتة تبني قصور روح بعيد انتة وكفشتك وتواسيلك
تكلي بحقج جنت آنا غلطان من كبر اليلفك ووجعة التشيلك
وانشالله التاج محل رحلتي تكون وانت الابو غريب يصير ترحيلك
وحق ذهباتي البعتهن مول لفتح يم محلك واشرد معاميلك
وحق شيباتي الي من القهر طلعن لاصير اصالة بت نصري
واغنيلك
اسفة شوفلك غيري تكنسلك وتطبخلك وتكويلك
وتسويلك ولو ذرة من الجنت انة اسويلك

بشوش : ومفردها بشّة وهي البطة او الوز*
الوليلك:وهي عملية الغناء للطفل حتى ينجب وينام*
اهفيلك:كلمة قديمة ولم يعد لها استعمال بسبب توفر الكهرباء*
مساقيلك: ومفردها مسقولة وهو ماكنتوش *
فيلك : وهو الفيل , كائن يطير عندما يبدأ الانسان بالكذب*
كفشتك : وهي تسريحة غير قانونية يعني فاول