منتديات قبيلة البو خابور

عليك يالغايب خلي حدود لغيابك
يمته للوطن ترجع ويمته تِحن لِترابك
يمته تِذكرالحبوك والذابو على ترابك
شكَول للروح من تشتاك ويهزها الشوك لِطيابك
مَره تِحضن إرسومك مَره تِحضن إثيابك
عفيه عينك يجيها النوم وإنت إمجرح أحبابك
والغربه قدرمكتوب ولازم عليك إيمر
لكن مو عدل ياصاح تركع إلها أو تصبر
صبرك ما زرعته هنا مو أوله الوطن وأجدر
لكن ياوسفه وياحيف هيج إبسرعه تتغير
وتغُرَك ديار الغير تِبهَر بيها أو تفخر