أبوذيات 000 تراها زينة يا شباب

[ابو احمد]

شباب هذه مجموعة من الأبوذيات 00 أرجو أن تنال إعجابكم كما أرجو من المشاركين بالإضافة

لمشاركته أن يدخل أبوذية :

[frame="7 80"]

[frame="10 80"]

تهذبنا بهواكم وانتهينه
وادور هناك عنك وانت هينه
الكلب بيدك يغالي وانت هينه
تهين وتأمر وتنهي عليه

غالي الدهر بجفاكم بلانه
وقدر مكتوب من الله بلانه
شلون اتنام يالغالي بلانه
وحنه سنين عشرتنه سويه

يفز كلبي لوليفي وافر بي
ومن فرحتي اركص وافربي
اذا شتا وجو بارد ووفر بي
احس تموز حضنه يصير اليه

كضيت العمر كله بس اواعد
واسمك راح احفره بالسواعد ..
اليد ينطلع ياهو الاحبه بالسواعد
خذو كلبي السواعد من اديه

وحكَ الالف واللامــين والها
وروحي بهوى ساهي العين ولها
لها ثغر وجبين وعــين والها
اخذ شبه البدر لو سـطع ضيه

حلو إسمك وأبوك شلون سماك
حبيبيك لوزعل وياك سماك
صرت سمچه وانت الصرت سماك
لو طحت بحنانك إعطف عليه

أزعل يا وطن وارجع اراضيك
وحن بغربتي لناسك واراضيك
بغير الفرح صدك ما ارى ضيك
واذا ًَمََرك حزن احسه بيه

العقل بأمر الصديق ارجوك حكمة
وبدال النكتة خلي ايكون حكمة
اليغدر صاحبة مو مهم حكمة
المهم شلون نتلافة القضية

[/frame]
[/frame]

[عبدالكريم]

تكرم عينك ابو احمد
نثرت دموعي للاسمر والاكحل
وصبغ وجانتي على خدودي ولك حل
صدكني سهل انت ولك حل
احلك لو ترد انت علية


على ضيم الهوى ياروح علمي
وبيها ارفعت اني اليوم علمي
اسالتها المستوى وتكول علمي
بخامس باء يالتسال عليه


قلبي انت ملكته وانت حر بيه
عليل وطبي عندك وانت حر بيه
كاس السم اشربه وانتحر بيه
اذا غيرك يمس اطراف ادية


باب الدار بجفوفي لحني
وحنين النوك ما يوصل لحني
وطيت لكن اسهمك لحني
بوسط قلبي وطبيبي احتار بية


هلي وياهم چنت عايش بلاهم
ونهاري شماضوى مظلم بلاهم
هلي مدري الوكت شنهو بلاهم
ولاهم اعرفوا بالصار بيه



حبيبي لا تظن انساك ولهه
دوه الروحي غرامك صار ولهة
الشفة والعين ترد عليك ولها
تدعيلك كل صباح وكل مسية


الك ياصاح ماظل مني خاطر
واحسبه احساب دربك من اخاطر
تعال كرب حبيبي مني خاطر
تعرف اجنون حبك اسوه بيه


انا بگاروك حبك وانته هزني
صرت فرصه بحياتك وانتهزني
انه شجره محبتك وانته هزني
وخلي الورد يتناثر عليه


عيونك تصيب الگلب بسهام
يلي ابد ماشفت بهواك بسهام
انا طير المهاجر بالفضاء بسهام
اشوفك وانا تايه بالبريه


يـحلو الاطبـاع واصلني وقارب
ماعندي اهل غيرك وقـارب
سفينه بالبـحر ردتك وقـارب
تشيل الحمل من يثگل عليـــه

[ابو احمد]

مشكور عبد الكريم على المرور والأبوذية

الكلب لا مظهر ولا مال غربه
ولو عمري بحمادهانشتل غربه
ما احمل بكاع اجناب غربه
احن واشتاك لهلي بكل مسيه