قصة الملك ابو العريف

[مجد]

قصة الملك ابو العريف

"حكاية من التراث المصري"

بسم الله الرحمن الرحيم
كان ياماكان
في قديم الزمان؛

حكم الناس واحد اسمه "أبو العريف". وكان بيقول إنه هوه بس اللى عارف كل حاجة. وكان حاكم على الناس إن ماحدش يحل ولا يربط غير لما ياخد رأيه، ويعمل بشورته.
وفى يوم من الأيام؛ كان فيه ناس فلاحين عندهم لامؤاخذه جاموسة ـ عطشت وهى فى الزريبة، وحاولت تشرب من الزير؛ راسها اتحشرت. حاولو يطلعوها ماعرفوش، وبقت مشكله.
خدو بعضهم وراحو على قصر أبو العريف، لقوه قاعد وحواليه الحاشية والبطانة. طلبو الكلام، وحكو له عن المشكلة اللى عندهم. أبو العريف ماصدق يلاقى حاجة يحلها؛ خد الحاشية والبطانة وركب جملة، وطلع على القرية. وبعدين سألهم:
"فين الجاموسة اللى محشورة فى الزير؟"
شاورو له على الدار وقالو:
"فى الدار دهى."
قال لهم:
"طيب اهدموا الدار عشان أخش بالجمل."
هدموا ييجى تلاتربع الدار عشان يخش بالجمل. ودخل بالجمل، والجمل برك قدام الجاموسة اللى محشورة فى الزير، وقعد يتأمل فى المشكله، وبعدين نادى على السياف وقال له:
"ياسياف؛ اقطع رقبة الجاموسة."
راح السياف رافع سيفه التقيل، وراح قاطع رقبة الجاموسة بضربة واحدة. ونزلت راس الجاموسة جوه الزير. أبو العريف قعد يتأمل فى المشكلة الجديدة، وبعدين قال للسياف:
"ياسياف؛ إكسر الزير."
راح السياف خابط الزير خبطة واحدة اتفشفش، وطلعت منه راس الجاموسة. الحاشية هللت والبطانة هتفت والناس هاصت.
وصاحوا جميعا متشكرين أوي أبو العريف
إحنا من غيرك مكناش عارفين نعمل حاجة
والوزير قال لصاحب الجاموسة:
"ياللا بقى أمال؛ اعمل لك همة وجهز الغدا لمولانا آبو العريف."
الراجل الغلبان طبخ الجاموسة، واتغدى بيها أبو العريف والحاشية والبطانة، وبعدين قعد ابو العريف يعيط.
سألوه:


"بتعيط ليه يامولانا؟ دا انت حليت كل حاجة، وماسبتش حاجة
لحد يحلها؟"
قال لهم:
"ياترى حاتعملو إيه من بعدى؟"
وأجهش الجميع بالبكاء

.

ارجو ان تنال اعجابكم

[عبدالرحمن الجاسم]

ههههههههههههههه
الله لا يحوزنا ونستشير أبو العريف دا هذا أذكى واحد منهم
الغبي كيف يكون ههههههههههههه

[ابواسامة]

"ياترى حاتعملو إيه من بعدى؟"

من بعدك يا مجد حنعمل إيه

ما ندري -هههههههه

[مجد]

اقتباس:
المشاركة الأصلية كتبت بواسطة جهاد رمضان الجبارة
"ياترى حاتعملو إيه من بعدى؟"

من بعدك يا مجد حنعمل إيه

ما ندري -هههههههه




.
.
ماتعيطش يابني يا جهاد

خلاص بأى

[منى]

دائما نسمع هذا المثل من المصريين عندما يستهزئون براي احد

الان قد عرفنا سبب هذا المثل

المشكله مقتنع بنفسه انو حلال مشاكل هو والفلاجين يلي معاي هاي اكبر مصيبه
اعتقد ان القصه لها اسقاطات كثيره عندالمصريين
مشكور مجد

[مجد]

نعم هذا المثل مستخدم بكثرة لدى الإخوة المصريين

[ابوعبدالله]

قصة أبو العريف حسب اعتقادي هي رمز لجبروت الحاكم الجاهل المتفطرس الذي يوجد الحلول على حساب الشعب
المثل عندنا (من دهنه سقيلوا)

[المستشار]

أعتقد أن نموذج أبو العريف , يمثل نموذج لفكر وثقافة سائدة في مجتمعاتنا .
وربما أن هذه الثقافة هي سبب تأخر الأمة , حينما يعتقد الغراب أن صوته أحسن من صوت البلبل .
كثير من الناس يظن أنه يعرف في كل شيء , ويعتبر أنه من العار أن يقول لا أعرف عندما يسأل .
مع أنه في تراثنا الإسلامي يقال " لا أعلم نصف العلم "
في المجتمعات المتقدمة مصطلح " لا أعلم " ليس مصطلحا سلبيا , بينما في ثقافتنا حتى من يقول لا أعلم يقولها وهو يشعر بالخجل والعجز والإحراج

[مجد]

أبو العريف جاهل مركب؟
لكن أتباع ابو العريف بماذا يمكن وصفهم؟؟؟

[عبدالكريم]

جهلاء منقادين لجاهل مركب