قصيدة الأم

[ابو عمر]

السلام عليكم
اخواني واخواتي,,,,
شخبااااااااركم شوفوا جبتلكم
هالقصيده اللي تقطع القلب


تقول فيها الأم:

وين انت يا حمدان امـك تناديـك **** وراك ما تسمـع شكايـا وندايـا

يا مسندي قلبي على الدوم يطريـك*** ما غبت عن عيني وطيفك سمايـا

هذي ثلاث سنين والعيـن تبكيـك**** ما شفت زولك زاير يـا ضنايـا

تذكر حياتي يوم اشيلك واداريـك**** والاعبك دايـم وتمشـي ورايـا

ترقد على صوتي وحضني يدفيـك**** ما غيرك احدٍ ساكن فـي حشايـا

واليا مرضت اسهر بقربك واداريك ***ما ذوق طعم النوم صبح ومسايـا

ياما عطيتك من حنانـي وبعطيـك**** تكبر وتكبـر بالأمـل يـا منايـا

لكن خساره بعتني اليـوم وشفيـك ****واخلصت للزوجه وانا لي شقايـا

انا ادري انها قاسيـه مـا تخليـك**** قالت عجوزك مـا ابيهـا معايـا

خليتني وسط المصحه وانا ارجيك*** هذا جزا المعروف وهذا جزايـا

يـا ليتنـي خدامـة بيـن اياديـك ****من شان اشوفك كل يوم برضايـا

مشكور يا ولدي وتشكر مساعيـك*** وادعـي لـك الله دايـم بالهدايـا

حمدان يا حمـدان امـك توصيـك*** اخاف من تلحق تشوف الوصايـا

اوصيت دكتور المصحه بيعطيـك*** رسالتي واحروفهـا مـن بكايـا

وان مت لا تبخل علـي بدعاويـك*** واطلب لي الغفران وهذا رجايـا

وامطر تراب القبر بدموع عينيـك*** ما عـاد ينفعـك النـدم والنعايـا

[ابو احمد]

واليا مرضت اسهر بقربك واداريك ***ما ذوق طعم النوم صبح ومسايـا


حمدان هذا لن يفوز بشيء

مشكور أبو عمر على النقل الجميل

[عبدالكريم]

مشكور ابو عمر
وهذه القصيدة من الواقع
عندما رمى حمدان امه في الملجأ
والام حزينة لفراق ابنها وترسل مراسيل اليه تطلب رؤيته
ولكن لاحياة لمن تنادى فكتبت القصيدة واعطتها لاحد موظفي الملجأ
ووصت عندما تفارق الحياة يعطيها لابنها
وفعلا فارقت الحياة بعد فترة من الزمن
وجاء اخيراً حمدان وسمع بخبر وفاة امه وتلقى القصيدة بكل الم وندم عما حصل
اللهم اجعلنا من البارين بأبائنا وامهاتنا