جورج بوش والبادية

[عبد الرحمن العمري]

منقولة السلام عليكم ورحمة الله وبركاته

يقول الراوي يوم اني في امريكا ومريت اسلم على جورج دبليو بوش
واستقبلني في مكتبه في البيت الابيض وصبلي القهوه وقرب لي القدوع ونسولف انا وياه
كيف الحال
طاب الحال
والوسم والحلال والربيع
على دخلة بلير علينا مع الباب وفي يده سبحه
كان ينشده بوش وات ذس وش اللي في يدك
كان يرد بلير
هاك خذ القاف
الله لايجزاك بالخير يابوش
ورطتنا في حرب صدام ورطه
عزمتني وتقول بترول وقروش
بس الحقيقه روحتي معك غلطه

قالوالله يوم جحر بوش عيونه يحسب اني انا اللي معلم بلير بالقاف
كان يتلفت ويفك الدرج ويسحب له سيم 14 ملم مظلع ويحطه على متونه ويحك في صابره
كان ينقز

stop خلوووووووها
يابليررد العلم عن بوش بن بوش
الله خلقنا للمقاريد سلطه
ابوي عنده للرياجيل دنبوش
كم واحد شلنا فلوسه ونفطه

قال بلير هيه خلوها
ابوك والنعمين ميرانت مربوش
تموت في البترول وتحب شفطه
صحيح عندك مال وسلاح وجيوش
مير اتوقع لك بنكسه وسقطه

خلوووها يقوله بوش
يابلير كانك خفت يوم احتمى الهوش
والله ماتاخذ من النفط نقطه
قبلك ترى شيراك قد راح مكروش
عانه يصرح كل يوم في محطه


قال والله يوم بلير وقف له ساعه والصفوف شايله القاف
ثم نقز خلوووها
وراك ماتعطي لشيراك عرموش
تراه مشغلنا بشيله وحطه
واذا انتهى موضوعنا نرسل طروش
نجمع لك المبلغ من الربع قطه

رد عليه بوش
شيراك هذا عنده الفكرمدووش
فرط علي في مجلس الامن فرطه
يدز هاليابان والصين ويطوش
ومزهب الفيتو لتحقيق شرطه

خلوها يقوله بلير
يابوش انا مرهف وخايف ومربوش
وانت تقول الحرب خدعه وخطه
اسراي واسراك امتلا منهم الحوش
عز الله اني صابني منك جلطه

خلوهااااا
ماقلت لك كن فيه اذاعات ودشوش
لا تكشف المعنى وانا اقول غطه
ان قالو انا علوج واصحابنا جحوش
ماهمنا الصحاف واللي يحطه

اتمنى تنال اعجابكم

[محمد الخابوري]

حلوة عبد الرحمن

جبتها من الراس ... و وسطتها الهدوم

الله يكرمك

[بنت السعودية]

وصبلي القهوه وقرب لي القدوع
ههههههههههههههههههه
ياحليله بــــــوووش يعرف القدوع
الله يعطيك العاااااااافيه اخوي عبدالرحمن على الموضوع

[عبد الرحمن العمري]

محمد الخابوري والاخت بنت السعودية - الجزيرةالعربية

شكرالمروركم العطر والجميل

اخوكمالعمري

[وائل]

بوش وبلير
لعبوا فينا
دمروا العراق
وذبحوا الملايين
والآن جالسين في بيوتهم يتقهوون ويقصدون

[مجد]

بوش الحين يقصد على صبيه بلير ويقول:

يابلير شب النار يابلير شبه
عليك شبة والحطب لـك يجابـي

وعلي أنـا يابلير هيلـه وحبـه
وعليـك تقليـط الـدلال العذابـي

وادغث لها يابلير من سمر جبـه
وشبة الي منه غفـى كـل هابـي

باغـي ليـا شبيتهـا ثــم قـبـة
تجلب لنـا ربعـا سـراة غيابـي

بنسريـةً يابلير صلفـا مهـبـه
لاهب نسناسـه تقـل سـم دابـي

سـراة بليـل وناطحيـن مهـبـه
متكنفيـن وشوقـهـم بالعـذابـي

الوالمـة يا عجـل بصبـه
والرزق عند اللي ينشى السحابـي

صبـة لقرمـا صرفتـه ماحسبـه
يوم البخيل مكنهب الوجـة هابـي

وصبة لمنعوريـن ليـا جـاة نبـة
يرخص بعمره والدخل لها ضبابي

وعدة عن اللي مايـداري المسبـه
اللـي يـدور بالقصيـر الغيابـي

عن الطيب عده نـازلا لـه بغبـه
يضرب علي درب الخطا مايهابي

لا باطن الهلبـاج خطـوا الجلبـة
يا حلو خبـط عصيهـم بالركابـي

أطمر لهم وأبـدي سـلام المحبـه
لا جو على هجناً يديهـم خرابـي

سلام أخلى مـن شخاليـل جبـه
وأحلى من السمن الجديد العرابـي

مع كبشً مصـلاح راسـه نجبـه
لا أدبـر الهيـن متيـن العلابـي

خطو الولد يـوم الملاقـي نكبـه
يأتي علينا من حسـاب الزهابـي

وحتى يش لو يلبس وبينن وجبـه
معيـرة علـى غضيـر الشبابـي

أنا لقيـت الصبـر يازيـن غبـه
يرقيك رؤوس مشمرخات الهضابي


يقولها اللي مـا حسـب المسبـه
ولا عرقل الاجواد ببعض الهلابي

هذا هـوى بالـي وهـذا مطبـه
من قبل مايسفـح علينـا الترابـي

[بشار الدرويش]

ههههههههههههه ياعيني على شعر القلطة مابين بوش وبلير ..


ههههههه صارلنا زمان ماضحكنا ..


..


..

[لهيب_الشوق]

اهب عليهم قصيد وعلوم رجال

لكن يقول المثل

يا شين السرج على البقر

...>>> وده يجيب العيد