قالت الوداع وجاوبت دمعه العين ..

[ملاك العنزي]

بسم الله الرحمن الرحيم ..


حبيت تكون اول مشاركاتي بهذا القسمَ ..



قلت الودآع وجاوبت دمعة العين ~~
تجرح بساتين الخدود النديه ,,


وغضت وشفت بعينها الحزن حزينه ~~
وصآحت انا على الفرقا انا مو قويه ,,


وجاوبتها ارجوك تكفين تكفين ~~


والله دمعك يشعل النار فيه ,,


قآلت تعاهدني عهاد المحبين ~~


الله يخون اللي يخون خويه ,,



قلت آبشري واللي خلق لا تظنين ~~



حرام مآغيرك عشقت آدميه ,,


وقصت شعرهآ قلت انا وش تسوين ؟! ~~



قآلت أبي من غرتي لك هديه ,,



ونآدتني الغربه على آلهم والبين ~~



أحسب الآيآم روحة وجية ,,


وفي كل ليلة ترتسم بين رمشين ~~



خيآلها من الرموش الشقيه ,,


غربة سنة في ذمتي غربة سنين ~~



متى على الله يلتقي الحي حيه ,,



خلآص هآنت مابقى غير يومين ~~


خلآص قفت غربة جمهرية ,,


ورجعت وشوقي في خفوقي برآكين ~~



ورجعت وانا كلي لها جاذبيه ,,



وسألت ماردوا.؟؟ وأنا أصيح هي وين.؟؟ ~~



وكلن نثر من داخل العين ميه ,,


وفي معمة حزني تلقيت رمحين ~~



قالوا توفت غافلتها المنيه ,,



وفي غرغرتها ماذكرت غير حرفين ~~



اشهدت بإسمك شفاهـ المنية ,,



وتزآحمت في داخلي الف سكين ~~



والحزن يطويني ثمانين طيه ,,



صدمة وجآبتني على الارض نصفين ~~



وشلون راحت دون ذنب وخطيه ,,



تكفون دلوني على قبرها هالحين ~~


ماعاد فيني للصبر مقدريه ,,



ووقفت اطالع قبرها بين نصبين ~~



وجلست أظلم اغلى النصايب عليَه ,,


وأصيح وش بك ياغلاي ماتردين ~~



اشتقت همس شفآهك النرجسيه ,,



وش فيك جيت من السفر ما تهلين .؟! ~~


ماهي لك عاده ولا أنتي رديه ,,



وحآولت في لحظه اجرح الدين ~~



وأزيح تربة قبرها في يديه ,,



وبآلغصب شآلوني حشآ كني مسكين ~~


وأصرخ بهلم والله والله حية ,,



وقفت وتاهت بي جميع العناوين ~~



والحزن يلعب داخلي سامريه ,,



ورجعت لدرب الشقى قبل عامين ~~



مدري من اللي صار فينا الضحيه ,,

[ابو احمد]

مشكورة اخت ملاك

بداية موفقة

وكلامات معبرة

كل الشكر

[أوتار]

قصيـــــده رائعــــــه جداً كروعتكِ ياأختـــــاااه

[دربآسي]

قلت آبشري واللي خلق لا تظنين ~~



حرام مآغيرك عشقت آدميه ,,





كلمات معبرهـ ...



واحســـاس راقي جداً فيها...



تســـلم اناملك .. يا { ملاك}





بداية موفقــة ..




ودي.}

[عذبة الاحساس]

غربة سنة في ذمتي غربة سنين ~~



متى على الله يلتقي الحي حيه ,

قصيده جدا جميله جدا
تسلمي يامـــــلاك
تقبلي مروري

[ملاك العنزي]

رامي الدخيل ..

العفو خيو ويسلمو على مرورك ماقصرت لاعدمنااك ..~


دمت بود ..

[ملاك العنزي]

أوتار الحزن ..


يسسلموا على مرورك ماقصرتي لاعدمنااك ..


دمتيَ بود ..

[ملاك العنزي]

دربآسي ..

يسسلموا على مرورك العطر ماقصرتَ لاعدمنااك ..~


دمتَ بود ..

[ملاك العنزي]

عذبه الاحساس ..


يسلموا على مرورك حبيبتيَ وماقصرتيَ لاعدمناااك ..~


دمتيَ بود ..