ومن الحب ماقتل..."ياسعد وش شاف مجنون ليلى بالغرام؟.." للشاعر / خليل الشبرمي (قصيدة رائعة).

[أيهم المحمد]

[frame="2 80"]ياسعد...

للشاعر/ خليل الشبرمي التميمي..


ياسعد وش شاف مجنون ليلى بالغرام×××
××××× أشهد انه وان بِلِي بلوته ياهونها

ياسعد ليلاه وان مات فيها مستهام×××
×××× تدري انه بالهوى ياسعد مجنونها

المصيبه من غدى ميتٍ له كم عام ××××
××××عشقته ماتدري انه قتيل عيونها

قرهدت نفسه عليها ومرّ الكبد زام ××××
××××ودوك قلبه ياسعد مزّعته طعونها

ياسعد والله يالولا الحيا واخشى الملام ×××
××××والقرابه والحيا والهوى وجفونها

لاانهبه وانحاش واجلى جنوب ديار يام ××××
××××ما يردن لو وقف جيش هتلر دونها

ياسعد راع الهوى بالهوى لاضيم شام××××
×××× مايرده طول بيبانها وحصونها

وان غوى راع الهوى في هواها مايلام×××
××× لااجتمع غبن الزمن ياسعد وغبونها

ياسعد هي منوة اللي تمنى والمرام×××
××× لعن ابو حظٍ قصر ياسعد من دونها

أسمع الرعاد واخيل براق الغمام ××××
××××بس مادري ياسعد وين وبل مزونها

وياسعد والله فلا اسلى هواها لاحرام×××
×××× لو يلوح الشيب في لحيتي وقرونها

وخذ وصاتي ياسعد وصلّه بنت الحشام××××
×××× ذي وصاتي كان غيري غدى مظنونها

لا شرت ثوب الفرح تشتري لي باع خام××××
×××× يدفنوني ليلة العرس ويزفونها[/frame]

[أيهم المحمد]

للواجهة
...............

[ابو عمر]

حلوة كثير ومحروفة
بين طياتها الكثير من الصور و العبارات الجميلة وكلها جميلة ولكن هاي الاجمل بينها

وخذ وصاتي ياسعد وصلّه بنت الحشام××××
×××× ذي وصاتي كان غيري غدى مظنونها

لا شرت ثوب الفرح تشتري لي باع خام××××
×××× يدفنوني ليلة العرس ويزفونها