حــالي حــــال
*****************************
أريــد أوصــف حــالـي بـكـل الأحـــوال
حــالــي بــالـعـشـق ومــن هـالـقـبـيـل
الـحـب عـنـدي يـمـشـي عـلى درب الـمـحـال
كـلـو شـوك وفــراق وعـراقـيـل
شــــي مــا لــو وصــــف ولا بـالـخــيـال
وشـمـا كـتـبـت مـاأوصـف ألا الـقـلـيـل
حـبـيـت أول مـره والـحـب الأول قـتـــال
حـب من صميم الـقـلـب مـالـو مــثـيـل
ومــــــرت الأيــام والـسـنـيـن الـطـــوال
وراح خـلـي بـدون إنــذار ولا دلـيـــــل
هــجـرنــي وتــركـنــي طــمــع بـالأمــوال
عـلـى بـالـه الـدنـيـا أكل وشرب وسلسبيل
أنــــي عـطـيـتـه الـحـب و الـدلـع والــدلال
والــود والـشـوق مـا مــر عـلـى جـيـــل
تــركـنـي وخــلانــي حــالــي حــال
مـــا عرف الصبح من العصر من الليل
و أقــــــول روح وأبـعـد يــابــن الــحــلال
تـجـيـك الأيـام وتـصـيــر بـيـهــا ذلـيــل
نـسـيـنـا الأول بــدون انــفــعــــــــــــــــال
وقـنــا ربــي يــعـيـنــي وهــو الــمـعـيــل
وشــفــنــا بــنـت الــوســامــة والــجــمــال
عــيــون نـاعـسة وجـه حـلو وخشم طويل
وقـلـــــت هــذا الــحــب بـــدون جــــــــدال
وهـــو حـبــي وخــلـي وأحـلا بـديــل
لأن مـــن أول نــظــره قــلــبـي لـــه مـــال
ميلة الورد على الورد من النسيم العليـــل
وبــــنــيـــت عــلــيــه أحـــلام وأمـــــــــال
يمـكـن أنسى الماضي والتاريخ الهزيــل
و ضليت ساكت ومشغول الــبــال
يــمــكــن أنــصــدم بــهــذا الـخـلـيــــل
لان الــنــاس أجـــنـــاس وأشــكــال
وتــمــثــل عـلـيــك أحــلا تـمـثـيـــل
وقـلــت نـسـكــت الأيــام تـثـبـت مـن خـلال
وجــانــي بــأسـلــوب الـقـال والـقـيـل
تــحــصــرت ومــا عـاد عــنـدي شــي يــنـقــال
لأن هـــذا عــلــى قــلـبــي ثـقـيـــــل
إلا شـــي واحــد وأضــربــوة أمــثــال
أمــثــال أحـفــرهــا بـالـتـاريــخ الطـويــل
لا تـسـتـعـجـل إذا قــلــبـك لــواحــد مــال
فـكـــر بـعـقـلـك تـفـكـيــر الـعـمـيــل
لأن هــذا فــعــل مــو مــثـل كــل الأفــعــال
و يــنــرد عـلـيــك بـحـصـيـلة و حـصـيـل
ولا تصدق الـعــواطــف والــقـلــب الـمـحـتـال
لان الـحـب بـالـعـقـل مـو بـالـقـلـب الـعـلـيـل
ولا تـسـأل فــلان ولا ضــرابــة الــفــــال
لأنـــك راح تـصـيـر حـايــر وهــبـيــل
هــاي أبــيــاتــي أكـتـبـهـا والـدمـع هـمـال
وأحـفـرهـا عـلـى الـصـخـر نـحـت بـزمـيــل
وادعــي ربـــي ســبـحــانــه ذو الــجــــلال
يــعـطـيـني الـحكمة والمعجزة والمستحيـل
وأتــحــدى الــمــواقــف بــكـــل ارتــجــال
وأنــشــرهــا بـكـل اكـتــب وفـصلها تــفـصـيــل
من أشعار
الــمــبـــدع
خلدون الحميد