بقلبك من لهيب الشوق آيات
على اللي هاجرت لهناك آيات
أنا ادعي بكل وكت واقرالك آيات
بلجي تعود يالغايب اليّة
+++++++++++++++++++++++++
شمحلاج يابنت الناس يازينة
ومن غير شوفتج الحزن يازينة
محبس وكلادة اشمحلاهة الزينة
وشمحلات الزين لمن يوفي إلية
++++++++++++++++++++++++++
نزل دمع العيون وكتب (نوره)
احبج ياضوه العينين (نوره)
وحگ الله الخلقني وخلق (نوره)
احبج واليصير يصير بيه
+++++++++++++++++++++++++++++
كلبي اليوم من كلي يسارة
ويمين الدرب ما يندل يسارة
احبج وج دحنيلي يسارة
مو حتى الصخر حس وحن علية
++++++++++++++++++++++++++++++++
وحك الي خلك بالكونين الاء
عيون الغزالة عيون الاء
امد ايدي عليها وتصيح او لا
تأدب لاتمد ايدك علية
++++++++++++++++++++++++++
ابتليت انه بكلب ظالم وهاجر
ومثل بلوه النبي ابساره وهاجر
وين انطي الوجه كلي واهاجر
وانه حته البجي يبجي عليه
++++++++++++++++++++++++++++
ورد خدك لدلالي نضالة
والك اعلن على اعدائك نضالة
ترك سارة وعبير وبس نضالة
عشكها من البنات وهاي هية
++++++++++++++++++++++++
وحك رب العرش .. واحمد
أشكر ربي انا كلساع .. واحمد
لأن خالق الي مخصوص .. احمد
حبيب وعاشك ومخلص اليه
+++++++++++++++++++++++++++++++
بدنيتي الاجمل أجزم .. ارجواني
رقية ولون خدهه .. ارجواني
قسمتي اتصير هية .. أرجو آني
واعيش اوياها قصة عاطفية
++++++++++++++++++++++++++++++
الأمل خضر بعمري نمه .. وأزهر
ودنياي اصبحت جنات .. وازهار
أحلم جنت طول العمر .. بأزهار
وهسة ازهار تغفة ابين ادية
++++++++++++++++++++++++++++++++
كلبج ما يحن مرة .. على اسراه
وكلبي شوي تقدمينه .. عله اسراه
لان حيل انتهه وذايب .. عله اسراء
وكلب اسراء ابد ما حن عليه
++++++++++++++++++++++++++++++++++++++
امنشوفن ظل بعض ظلهه .. ولأسماء
أتيه كل معانيهه .. والاسماء
حرت لا نار ملمسهه .. ولس ماء
لا هيه وهم لا صدك هيه
++++++++++++++++++++++++++++
تعالي ارجوج ما نكدر ..عالاشواق
انادي بصوتي وبكلبي .. على اشواق
ذابت والخجل كله .. علة اشواق
والاخديدات صارن مزهرية
+++++++++++++++++++++++++++++
كلج ذوق يا حلوة .. واصالة
يحلمي الدوم اتمنه .. وصاله
يريت وننجمع آني .. واصالة
أنه بحبهه ملك والتاج هيه
+++++++++++++++++++++++
بدونج ميتم الدنية .. بلا افراح
وفركنه الروح من بعدج .. بالف راح
أموت ما أعيش آني .. بلا افراح
لان هيةأفراح روح الروح هيه
++++++++++++++++++++++++++++
احبج مو لجل جاهج ..ولا مال
لكن بيج شفت الحب .. والآمال
كلبي وعقلي وي روحي .. ولآمال
كل شعري وكلامي وكل بوذيه
++++++++++++++++++++++++++++++++
حبيبة وصاحبة وهيه .. ام النه
وهية بهالحياة تبقه .. أملنه
أحن ابنية بالعالم .. أملنه
وانه بطيبتهه أبد ما مر عليه
+++++++++++++++++++++++++++++++
أبد ما فرط بحبهه .. ولا انسام
التعطر ابريحهه الدنية .. والانسام
روحي وكل نبض كلبي .. والانسام
كل حبي وحنين الشوك بيه
++++++++++++++++++++++++++++
كتلني الفاتن الساكن .. بالانوار
واحس الدنية من دونه .. بلا انوار
أعيش شلون كولولي .. بلا انوار
واحس انوار مثل الروح بيه
++++++++++++++++++++++++++++
عله ايساري الحزن خله .. وعالايمان
ورغم ظلمه الوكت اصبح .. علي مان
وحق ربي الكلب ينبض .. على ايمان
وبلا ايمان متظل روحي بية
++++++++++++++++++++++++++++++
كلبي ايفور وايرفرف .. على ايناس
وطير الشوك كل لحظة .. علي ناس
كل شوية تتوافد .. علي ناس
تريد انساهه لكن مو بديه
+++++++++++++++++++++++++++
أطل رغم الهضايم .. باسم آنه
وعلم عالصبر شامخ .. بالسمة آنه
يالما تعرف انته .. باسم آنه
آنه الصبري فاق ايوب ميه
+++++++++++++++++++++++++++++++++
رجاءاً عني لا تبعد .. يبرهان
خناجر بالكلب بعدك .. وابرهان
تريد اثبات من عندي .. وبرهان
باوع حالي وشوف شصار بيه
+++++++++++++++++++++++++++++
كتبته آنه اعله صدري .. وبش اسمهه
وبدل ما بشرى اصبح .. بشة اسمهه
تكلي منين بشة .. وبالشسمهه
أووين التوجعك هدت عليه
++++++++++++++++++++++++++++++++
يسبحانه العلي الخالق .. تبارك
أبدع حيل من صور .. تبارك
أسمع روحي لكليبي .. تبارك
لأنج يا تبارك صرتي اليه
++++++++++++++++++++++++++++++++
أروحن للسمة وارجع .. واجي هان
أدعي الله باعز خلقه .. وجيهان
بمحمد وبعلي اجمعني .. وجيهان
لان جيهان كلبي وروحي هيه
+++++++++++++++++++++++++++++++
شبيهه الخل لون يحضه .. بحبيبه
الكلب مغروم وايهيم .. بحبيبه
بيمن احلف بربي .. بحبيبه
حبيبة الروح هية الهسة بيه
+++++++++++++++++++++++
بطلن منه عوفنه .. حسن بس
اليه وبس إلي يبقه .. حسن بس
ما بي شين حط الله .. حسن بس
وفي ما يوم مر ما مر عليه
+++++++++++++++++++++++++++++++
مصايب فركته وبعده .. بلة حسين
العمر لا ماله كل قيمة .. بلة حسين
واذا ما صار قسمتنه .. بالاحسين
انفط روحي واحركهه بديه
++++++++++++++++++++++++
ادنج وانحني اجلالا .. وحي دار
بيهه اختلطت اشواكي .. وحيدر
بجاه المصطفى الهادي .. وحيدر
أريد امن الله حيدر يصفه اليه
++++++++++++++++++++++++++++
تظل انت بكلبنه اتعيش .. خالد
ولا عنك يزل فد يوم .. خالد
كلبي لا تظن للنوم .. خالد
وينبض الك صدك مو اليه
+++++++++++++++++++++++
لمحبتي ادعوج مخلص في .. دعائي
ولجل يهديج الحن في .. دعائي
رجاءا لا تصديني .. دعائي
يالحبج سكن كل ذرة بيه
+++++++++++++++++++++++
حبيبي هواي يزعل .. وآنه اراضي
ويمر كالنهر بيه .. وأنه اراضي
يقسه هواي ضدي .. وآنه راضي
واحس راضي الكلب والروح بيه
++++++++++++++++++++++++++++++++++
عندي اوياج يا حلوة .. رجاءين
تحبيني وتخلصيلي .. رجاءاً
لأن ماكو بالدنية .. رجاءين
رجائي انتي ومناي وكلشي اليه
+++++++++++++++++++++++++++++++
حلكهه ابوسة من عدهه .. رشانه
ونفسهه باعبق اعطوره .. رشانه
أرق محبوبة بالدنية .. رشانه
بجمالج ما شفت والجاذبيه
++++++++++++++++++++++++
كولي لشوكج ايهدي .. رويدة
وكلبي بشوك من حبكم .. روه ايدة
اعز محبوبة بالدنية .. رويدة
وبلياها الحياة تصعب عليه
++++++++++++++++++++++++++++++
يجينة أموردةوتزهي .. يزهراء
يأحلة ابنية بالدنية .. يزهراء
بجاهج يالزكية انتي .. يزهراء
ردت زهراء قسمة اتصير الية
++++++++++++++++++++++++++++++++
جميلة معدلة حلوة .. وزينة
واظن للدنية اهي البهرج .. وزينة
الحياة بدونها وحشة .. وزينة
طعم وعطر للدنية الهنية
+++++++++++++++++++++++++++++++
عبيد احنة الج كلنه .. واسارة
خطر دربج عرف كلبي .. وسارة
اهيم وذايب بسارة .. وسارة
منها تغار حته الحورهية
++++++++++++++++++++++++++
أغرب قصة قصتي آني .. وسالم
وحلم ألمس اديه مرة .. واسالم
يربي ايعودلي غانم .. وسالم
واريد تحفظة من شر كل رديه
++++++++++++++++++++++++++++++
تظل مثل النجم عالي .. وسامي
يالحبك فخر واصبح .. وسامي
أعشكه واعشك اعيونه .. وسامي
يتنفس محبتي ايموت بيه
++++++++++++++++++++++++++++
وجهه بنور وبحسنه .. سحرنه
نهار وليلنة بذكرج .. سحرنه
ملاك وتاج كل حلوة .. سحرنه
وتعيش بروحي والوجدان هيه
++++++++++++++++++++++++++++++++++
فرحنه اهواي بيكم .. وانسعدنه
وترة التعذيب منكم .. وان سعدنه
سعد عمري وحياتي .. وان سعدنه
طلب روحي اقدمهه هدية
++++++++++++++++++++++++++++++
دكافي ارجوك وارجعلي .. وبس عود
بدونك بس جلد باقي .. وبس عود
أهيم وغارك بحزني .. وابو سعود
نايم بالعسل ما يدري بيه
+++++++++++++++++++++++++++++++
أنشد كلبي لو روحي .. وأسل من
عنك وانته الامعدل .. وسلمان
عيونك لو علي نظرن .. وسلمن
أموت وأنحيي بهاي التحيه
++++++++++++++++++++++++++++++
سماح انتي كلب كلبي .. سماحي
اجرحي اكليبي واضمنلج .. سماحي
لجلج ما يظل بارض و .. سماحي
وأموت الدنية اذا غثتج هيه
+++++++++++++++++++++++++++++++++
السفن غركنن كلهه .. يم سمارة
وتضيع البيض كلهه .. يم سمارة
اريد بربي احلفج .. يم سمارة
وحمتي ابيش من جبتيهه اليه
+++++++++++++++++++++++++++++++++++
ملك كل الحسن هالزين .. شامل
وتدمير الجمال البيه .. شامل
رمت روحي بسهم يا ناس .. شامة ال
غفت فوك الشفايف كصت بيه
+++++++++++++++++++++++++++++++
أنا والشعر والعالم .. شهدنه
أروع شاعرة الحلوة .. شهدنه
اما تدرين بالفرحة .. شاهدنه
يوم الشفنه شهد الشمريه
+++++++++++++++++++++++++++++
امضيع جني من تبعد .. لشي ما
واصيرن شي جمر يحرك .. لشي ماء
كلبي والنبض كلة .. لشيماء
لان هية الحياة بالنسبة اليه
++++++++++++++++++++++++++++++
غيرك لا تظن اهواى .. واصادق
وعلى هذا الكلام ابصم واصادق
أحب ثنين صح ، صادق .. وصادق
وصادق سو ابد ما حاس بيه
+++++++++++++++++++++++++++++++++++
يزعلني واروح آنه .. واصالح
لأن حبنه نقي وطاهر .. وصالح
أحب واهواه من كلبي .. وصالح
يحبني وكلبه ذايب ذوب بيه
++++++++++++++++++++++++++++++++++
جميلة وبالجمال انتي .. صبا آية
يتاج ومعتلي روس ال .. صباية
يريت ايعود وايردلي .. صباية
واعلمج كل أصول الجاهلية
+++++++++++++++++++++++++++++++++
جسمي عود من بعدج .. صفا بس
درحميني ردت وصلج .. صفا بس
اموت وانتي صدكيني .. صفا بس
تلمسيني حياتي اترد اليه
++++++++++++++++++++++++++++++++++++
شعندي بدنيتي غيرج .. يصفواي
يروحي وراحتي وسعدي .. يصفواي
يبلسم جراحي اذا ضيمي .. يصف وي
زماني وتتفق كلهه عليه
+++++++++++++++++++++++++++++++++
مشيت بكل طريق انته .. وطارق
وبيبان المجد كل يوم .. طارق
مضرب للمثل بالطيب .. طارق
وفي ومابيك ذرة من الرديه
++++++++++++++++++++++++++++
يعطر العطر والعنبر .. وطيبه
يحلوة ونازكة ووردة .. وطيبة
اذا هالروح عافتني .. وطيبة
لمس تلمسني روحي ترد اليه
+++++++++++++++++++++++++++++++++
أنه اشما قارنت بيهم .. واعادل
أشوفه اجمل وأرق الناس .. عادل
جميل وناضج وراقي .. وعادل
وفوكاهن حنين ويوفي اليه
++++++++++++++++++++++++++++++++++++
رغم وكته صعب جدا .. وعاه مر
لكن كلبه بس بالخير .. عامر
أموتن حيل باوصافه .. وعامر
يحبني وكلبه ينبض بس اليه
++++++++++++++++++++++++++++++++++
كلبج لو قسة اتحمل .. واعذرا
لأنج باهرة وطاهر .. وعذراء
اذا كلبي وكف نبضه .. وعذراء
نظر تنظرلي نبضي ايرد اليه
+++++++++++++++++++++++++++++++++++
البخيل ال (للكريم) اهوه .. عطاه رد
ورجاءاً لا ترديني .. عطارد
كوكب بالسمة وعالي .. عطارد
ومنج اقرب آني اشعر اليه
+++++++++++++++++++++++++++++++++
اعوفه شلون واتكبر .. علي لا
وروحي ابدونه احسنهه .. عليلا
مثلم ماكو بالدنية .. علي لا
وفي وكلك حنان وشوك اليه
+++++++++++++++++++++++++++++++++
علينه الشوك متسيد .. وغالب
هم مغلوب انه بحبك .. وغالب
ثمين هواي عدنه انته .. وغالي ابــ
غلاة الروح لا واكثر اشويه
++++++++++++++++++++++++++++++++
بنات شكد شفت عدن .. وفاتن
لكن منضرج يسحر .. وفاتن
اذا جبنه الحسن كله .. وفاتن
أكيد لفاتنتنه الأغلبيه
+++++++++++++++++++++++++++++++
وفي ومتاكد بفارس .. وفاه رس
غايض بالوفة العاذل .. وفارس
اسم وعالمسمى صدك .. فارس
أصيل ومرجلة وكله حميه
++++++++++++++++++++++++++++++++
كلبي من سمع صوتج .. فرح بي
وقبلج عمري ما شايف .. قرح بي
احب الكون لن انتي .. فرح بي
ومنيتي ابدنيتي اتصيرين اليه
+++++++++++++++++++++++++++++++++
أنه بجيتك تره امسلطن .. وفرحان
ومهجتي وروحي هم طربن .. وفرحان
جنت باحزاني أنا غارك .. وفرحان
اجاني ورجع الضحكات اليه
+++++++++++++++++++++++++++++++++
أنه الما ظالم أحد .. قاسي مانه
وكلبي لليودني .. قاسم آنه
واذا ما سامع اسمع .. قاسم آنه
انضربت بالسماحة امثال بيه
+++++++++++++++++++++++++++++++++
لازم نفسي كوة الغيض .. كاظم
امنشوفك تحجي ويه الغير .. كاظم
يهزني بأغنية (مشتاك) .. كاظم
واذا اسمعهه شوكي ايفيض بيه
+++++++++++++++++++++++++++++++++
يل للكيك خدينج .. كريمه
أصيلة وراكزة وطيبة .. وكريمة
ورهيفة وزاهية اتخبل .. كريمة
كريمة وبكرمهه حاتميه
+++++++++++++++++++++++++++++++++
أحبهه بقسوة العاشك .. ولينه
لأن لينا جزء منه .. ولينه
يوم المنى لو آني .. ولينا
نهيم وننجمع بالحب سويه
+++++++++++++++++++++++++++++++++++++
مهرب من محبتي ، اتعيش .. مالك
اشتاقك ولا فد يوم .. مالك
تدري شكثر آني اهواك .. مالك
بكبر هالكون ضربه بتسعميه
++++++++++++++++++++++++++++++++
الجمال اختاركم لمن .. علم راد
وعقلي اختاركم لمن .. علم راد
وكلبي اختاركم لمن .. على امراد
اذا مر اسمه نبضه ايزيد بيه
++++++++++++++++++++++++++++++
سهم واحد عليج آنه .. مرامي
يلي احضانج وحبج .. مرامي
مثلج ما شفت صدكي .. مرامي
وأبد ما مرت اوصافج عليه
+++++++++++++++++++++++++++++++
وحق الصفا البكمة .. ومروة
فراكج ضيم لا حنظل .. وأمر وَ
أحس الروح تتركني .. ومروة
اذا ضحكتلي روحي ترد اليه
++++++++++++++++++++++++++++++++++++
يطك وايورد ان لامس ومس عود
ويهنياله الحضة بحبه .. ومسعود
اذا يوم الحزن مسني .. ومسعود
الفض اسمه ميظل حسن بيه
++++++++++++++++++++++++++++++++
وصلج يا منى همنة .. منانه
واهيم وذايب بحبج .. منانه
أناطر راح وانتظرج .. منانة
لآخر يوم وآخر نفس بيه
++++++++++++++++++++++++++++++++++
أسولف محد ايصدك .. وميثاق
واكلهم حبنه يجمعنه .. وميثاق
مثل روح وجسد صاير .. وميثاق
واذا مسني الألم تبجيلي هيه
+++++++++++++++++++++++++++++++++++++
تحلل جسمي لترابه .. ومي عاد
لأن خلفت عهد هيه .. وميعاد
ورغم كل هذا اسامحهه .. وميعاد
رزاياهه كرم منهه عليه
+++++++++++++++++++++++++++++++++
راية وللجمال اتظل .. علم نور
وكلبي غاية امراده .. علم نور
اخذت اعمامي خطابة .. على ام نورِِِِِِِِِِِِِِِِِِِِِِِِِِِِِِِِِِِِِِِِِِِِِِِ ِِِِِِِِِِِِِِِِِِِِِِِِِِِِِِِِِِِِِِِِِِِِِِِِِِ ِِِِِ
حطو عينهم خطبوهه اليه
\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\ \\\\\\\\\
وجهج نور يا حلوة .. على نور
وبيت البيه صرتي انتي .. علاه نور
كلبي ايطير وايرفرف .. على نور
لأن نور الكلب والروح هيه
+++++++++++++++++++++++++++++++++
وين تهاجر اني اغبش .. واهاجر
لان ما اطيق اعيشن دون .. هاجر
ها عتهه العشك والشوك .. ها جر
عافت كلشي هاجر جتي اليه
+++++++++++++++++++++++++++++++++++++
الك هالروح واهبهه .. وهادي
كلبك ربي الي اميسره .. وهادي
جميلة هواي عشرتنه .. وهادي
لأن هادي ملاك ايموت بيه
++++++++++++++++++++++++++++++++
جمالج ضجة سوالي .. وهالة
البعض عالراس جاب اتراب .. هالة
سحرهه فعلاً ايجنن .. وهالة
ملامح عدهه روعة وعالمية
++++++++++++++++++++++++++++++++++++++++
عيونج مصدر اشعاري .. والالهام
واعشكج من ثرى اجدامج .. الى الهام
انا للالهام يا عالم .. والي الهام
وأبد ما أنطي بيهه وتنطي بيه
++++++++++++++++++++++++++++++++++++
الناس لربهه تنطيه .. وهبلهه
ونطيت الروح وكليبي .. هبة الهه
سحر سحرتنني صدكوني .. هبة الهه
نظرة عين تحيي من المنيه
+++++++++++++++++++++++++++++++++++
لدرب العشك بس حسنج .. هداني
وسعد وافراح بس حضنج .. هداني
أموت بنضرة اعيونج .. هدى آني
يا أغلة وأعز انسانة اليه
++++++++++++++++++++++++++++++++++++++
تحيي الموتة لو يمهم .. تمر هند
حلوة هواي ما ظنها .. تمر هند
خليط اعناب وافواكه .. تمر هند
وطعم بشفافهه ايسكر البريه
++++++++++++++++++++++++++++++++++
يزيد بكل دقيقةالهه .. هيامي
ملاك وبالحسن آيه .. هيامي
حارو .. نار (هيومة) .. هيا مي
ولاعرفو ثلج وي نار هيه
+++++++++++++++++++++++++++++++++++
يريت البخت يجمعني .. وهيفاء
رشيقة طول مزيونة .. وهيفاء
أليسا اتروحلج فدوة .. وهيفاء
واصالة ونانسي ودالي سوية
++++++++++++++++++++++++++++++++++
ابد متلوك خوية النه .. ودادة
يل شما بيه كلبي الكم .. وداده
وداد انتي ترة لكلبي .. وداده
وانتي الروح وانتي النفس بيه
++++++++++++++++++++++++++++++++++++++
رقيق وعالية اخلاقه .. وسامي
وجميل وتكتل اعيونه .. وسامي
أسامي هواي مرتني .. واسامي
وبس اسمك وسام اللعب بيه
++++++++++++++++++++++++++++++++++++
أخاف هواي من حسنه .. واهابه
لان متفنن برسمه .. وهابه
كلبي ايريد واينادي .. وهابه
ووهاب هواي متكبر عليه
++++++++++++++++++++++++++++++
نخيل ابلادي من خدج .. بلح لام
وجمالج ماكو ابد مثله .. بالا احلام
رهيبة وقاتمة الدنية .. بلا احلام
وبلايه اعيونهه الدنية رديه
[mark=#852828]مع تحياتي (سعد صليبي 1992)
للمراسلة s3od1992@hotmail.com[/mark]
آخر 10 مشاركات
الإهداءات
العرض العادي
