[Mazen PrOof]

مرحبا عبود مشاكس
ياشباب عمكم أبو الميز يحب اللعب بالحارة كتير متل الغماية وطابة ودحاحل
بس للأسف بابا مايخلينا ننزل ع الحارة لو شو ما يصير
ومرة من المرات بابا كان نازل ع النقابة وأنا أعرف لما ينزل ع النقابة يطول تا يرجع
اغتنمت الفرصة وطلعت ع الحارة مع ولاد الجيران وكانت اللعبة يوميتها غماية
ماكذبت خبر لعبت معاهم بس كنت أنا يلي لازم اغمي وعديت للخمسين وافتح عيوني وإذ مين اشوف وراي
((((بابا))))
وشو قاللي ياحزركمغاب البس العب يافار موووو
امشي قدامي ع البيت تا أشوف وعينكم ما تشوف إلا النور
ويا فرحة ماتمتش
بس طبعاً بهدلة معنوية ما مد أيدو لأنها مو كل هالشي غلطة
""أيا ليت الطفولة تعود يوماً"""
تسلم أيديكي حلا فكرة حلوة ومميزة